Local Heads of Programs

მარინე ჩიტაშვილი, ფსიქოლოგიის მეცნიერებათა დოქტორი

თანამდებობა: პროფ. ჩიტაშვილი არის სოციალურ მეცნიერებათა ცენტრის დამფუძნებელი და ხელმძღვანელი დღემდე.

ბიოგრაფიული ჩანაწერი: პროფ. ჩიტაშვილი ხელმძღვანელობდა ცენტრის მთავარი პროექტის ”სამაგისტრო და სადოქტორო პროგრამების განვითარება სოციალურ მეცნიერებებში თბილისის ივ. ჯავახიშვილის სახელობის სახელმწიფო უნივერსიტეტში” განხორციელებას 2003-2008 წლებში. იგი პროექტის ფარგლებში ზედამხედველობდა ცენტრის მიერ ადმინისტრირებულ თსუ-ს ინტერდისციპლინარულ სამაგისტრო პროგრამებს ”საზოგადოება და პოლიტიკა”, ”საზოგადოება და მოდერნიზაცია”, ”სოციალური ცვლილებების პოლიტიკა”, ”სამხრეთ კავკასია გარდამავალ პერიოდში”, ”გენდერი”, საერთაშორისო პროგრამას ”ტრანსფორმაცია სამხრეთ კავკასიაში”. აღნიშნული პროგრამების ინსტიტუციონალიზაცია განხორციელდა თსუ-ს სოციალურ და პოლიტიკურ მეცნიერებათა ფაკულტეტზე. 2005 წლიდან გახლავთ ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის ფსიქოლოგიის მიმართულების პროფესორი. 2003-2005 წწ. ქალბატონი მარინე იყო ფსიქოლოგიის ფალულტეტის დეკანი. 2000-2003 წწ. პროფესორი ჩიტაშვილი იყო ფონდ ”ღია საზოგადოება საქართველოს” (OSGF) სოციალური მეცნიერებების მხარდამჭერი პროგრამის დირექტორი. 1995 წლიდან იგი მიწვეული იყო მკვლევრად ლუნდის უნივერსიტეტში (Lund University), თეოლოგიის ინსტიტუტში, რელიგიის ფსიქოლოგიის დეპარტამენტზე. 2005 წელს იგი გახლდათ თსუ-ს პრორექტორი აკადემიური პროგრამების განვითარების დარგში. 2007 წელს მიიღო Fullbright-ის სტიპენდია განათლების მენეჯმენტში სტენფორდის უნივერსიტეტში.

კურსი CSS-ში: საერთაშორისო ურთიერთობების თეორია; პოსტ-საბჭოთა პოლიტიკა; საგარეო პოლიტიკის ანალიზი. სილაბუსის ნახვა შესაძლებელია აქ მხოლოდ რეგისტრირებული სტუდენტებისა და აკადემიური პერსონალისთვის).

ბიოგრაფიული ჩანაწერი: გიორგი ხელაშვილი სოციალურ მეცნიერებათა ცენტრთან თანამშრომლობს 2003 წლიდან. 2003-2006 წლებში ის იყო ცენტრის აკადემიური პროგრამების დირექტორი. გიორგი ხელაშვილი კოორდინირებას უწევდა სოციალურ მეცნიერებებში ახალი ინტერდისციპლინური, ინგლისურენოვანი სამაგისტრო პროგრამის ”ტრანსფორმაცია სამხრეთ კავკასიაში” განვითარებასა და დანერგვას თბილისის სახელმწიფო უნივერსიტეტში. 2001-2006 წლებში ის იყო ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო ურთიერთობების დეპარტამენტის ასისტენტ პროფესორი, ხოლო 2006 წელს ხელმძღვანელობდა ამავე დეპარტამენტს. გიორგი ხელაშვილი მუშაობდა პოლიტიკის ანალიტიკოსად საქართველოს საგარეო საქმეთა სამინისტროში, მოწვეულ მკვლევარად მონტერეის ცენტრში, ვილსონის ცენტრის კენანის ინსტიტუტში და ჯორჯ ვაშინგტონის უნივერსიტეტში. მას გამოქვეყნებული აქვს ანალიტიკური სტატიები ქართულ ჟურნალ-გაზეთებში და მუშაობდა ჟურნალისტად ქართულ ტელეკომპანია ”რუსთავი 2”-ში და საერთაშორისო კვლევისა და გაცვლების საბჭოში (IREX). გიორგის აკადემიური ინტერესები მოიცავს საერთაშორისო ურთიერთობების თეორიას, კავკასიის რეგიონულ კვლევებს, ამერიკის საგარეო პოლიტიკასა და პოსტ-საბჭოთა სფეროს უსაფრთხოების საკითხებს. გიორგი ხელაშვილმა მონაწილეობა მიიღო თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის რეფორმის პროცესში. 2010 წლის ივლისიდან გიორგი ხელაშვილი არის ღია საზოგადოების ინსტიტუტის საერთაშორისო აკადემიური პროგრამის სტიპენდიანტი, ხოლო 2010 წლის ოქტომბრიდან ხელმძღვანელობს სოციალურ მეცნირებათა ცენტრის კვლევის განვითარების დეპარტამენტს. იგი აგრეთვე არის საერთაშორისო სამაგისტრო პროგრამის ”ტრანსფორმაცია სამხრეთ კავკასიაში” ადგილობრივი აკადემიური ხელმძღვანელი. 

თამარ ცხადაძე, ფილოსოფიის მეცნიერებათა დოქტორი

თანამდებობა: გენდერის ასოცირებული პროფესორი, სოციალურ და პოლიტიკურ მეცნიერებათა ფაკულტეტი, თსუ; გენდერის კვლევის სამაგისტრო პროგრამების (საერთაშორისო და ქართულენოვანი) ადგილობრივი ხელმძღვანელი.

კურსები CSS-ში: “ფემინისტური ფილოსოფია”, “სოციალურ მეცნიერებათა ფილოსოფია” (სილაბუსის ნახვა შესაძლებელია აქ მხოლოდ რეგისტრირებული სტუდენტებისა და აკადემიური პერსონალისთვის).