სოციალურ მეცნიერებათა ცენტრის შესახებ

სოციალურ მეცნიერებათა ცენტრი არასამთავრობო არამომგებიანი ორგანიზაციაა, რომელიც დაარსდა 2003 წლის ნოემბერში ფონდი ღია საზოგადოება - საქართველოს სოციალურ მეცნიერებათა მხარდაჭერის პროგრამის (SSSP 2000–2003) საქმიანობებსა და რესურსებზე დაყრდნობით.

სოციალურ მეცნიერებათა ცენტრი არის ღია საზოგადოების ინსტიტუტის უმაღლესი განათლების მხარდაჭერის პროგრამის ქსელური ინსტიტუტი სამხრეთ კავკასიაში.

ცენტრის მისიაა სოციალურ მეცნიერებათა მკვლევართა და პრაქტიკოსთა მაღალკვალიფიციური ახალი თაობის მომზადება და სამოქალაქო საზოგადოების ჩამოყალიბებისათვის ხელშეწყობა საქართველოს ინტერნაციონალიზაციის პირობებში.

ცენტრის მიზანია საქართველოში სოციალურ მეცნიერებებში - კვლევის, სწავლებისა და სწავლის განვითარება, - საერთაშორისო აკადემიურ ქსელში მკვლევართა ინტეგრირება, - პროფესიონალთა კვალიფიკაციის ამაღლება.

ცენტრის დამფუძნებლები არიან:

• ივანე ჯავახიშვილის სახელობის თბილისის სახელმწიფო უნივერსიტეტი (თსუ). წარმომადგენელი ზურაბ დავითაშვილი
• საქართველოს სტრატეგიისა და საერთაშორისო ურთიერთობების კვლევის ფონდი, წარმომადგენელი თემურ იაკობაშვილი
• განათლების პოლიტიკის, დაგეგმვისა და მართვის საერთაშორისო ინსტიტუტი, წარმომადგენელი გიორგი შარვაშიძე, ამჟამად - გიორგი მაჩაბელი
• მარინე ჩიტაშვილი, თსუ-ს პროფესორი, ცენტრის დირექტორი
• გიორგი ხელაშვილი, თსუ, ცენტრის აკადემიური პროგრამების დირექტორი 2003-2006 წწ.

ცენტრის დონორი და პარტნიორი ორგანიზაციებია:

• უმაღლესი განათლების მხარდაჭერის პროგრამა, ღია საზოგადოების ინსტიტუტი
• ოქსფორდის უნივერსიტეტი
• რათგერსის უნივერსიტეტი
• ცენტრალური ევროპის უნივერსიტეტი
• ტარტუს უნივერსიტეტი
• მაუნტ ჰოლიოკის კოლეჯი